លក្ខខណ្ឌខាងក្រោមអនុវត្តចំពោះ ឬគ្រប់គ្រងការប្រើប្រាស់ ឬចូលប្រើប្រាស់គេហទំព័ររបស់ធនាគារ ហេង ហ្វឹង (ខេមបូឌា) ម.ក។ វាសំខាន់ណាស់ដែលអ្នកអានលក្ខខណ្ឌទាំងនេះមុនពេលអ្នកប្រើប្រាស់ ឬចូលប្រើប្រាស់គេហទំព័ររបស់យើងខ្ញុំ។ ដោយប្រើប្រាស់ ឬចូលប្រើប្រាស់គេហទំព័ររបស់យើងខ្ញុំ អ្នកយល់ព្រមដោយឥតប្រកែកចំពោះលក្ខខណ្ឌប្រើប្រាស់ ការបដិសេធ និងគោលនយោបាយឯកជនភាពទាំងអស់នៅទីនេះ ហើយអ្នកយល់ព្រមឱ្យចងកាតព្វកិច្ច និងប្រតិបត្តិតាមលក្ខខណ្ឌទាំងនេះ ព្រមទាំងការកែប្រែ និង/ឬការបន្ថែមលក្ខខណ្ឌទាំងនេះពីពេលមួយទៅពេលមួយ។

សម្រាប់លក្ខខណ្ឌទាំងនេះ ពាក្យ “ធនាគារ” “យើង” “របស់យើង” “យើងខ្ញុំ” មានន័យថា ធនាគារ ហេង ហ្វឹង (ខេមបូឌា) ម.ក។ ពាក្យ “អ្នក” “របស់អ្នក” “របស់លោកអ្នក” មានន័យថា អ្នកប្រើប្រាស់ ឬអតិថិជនដែលប្រើប្រាស់ ឬចូលប្រើប្រាស់គេហទំព័ររបស់ធនាគារ ហេង ហ្វឹង (ខេមបូឌា) ម.ក។ ក្បាលទំព័រ ឬចំណងជើងត្រូវបានប្រើប្រាស់សម្រាប់ភាពងាយស្រួលនៃឯកសារយោងតែប៉ុណ្ណោះ ហើយមិនត្រូវយកមកពិចារណាក្នុងបង្កើត និងបកស្រាយលក្ខខណ្ឌទាំងនេះឡើយ។ ឯកវចនៈ រួមបញ្ចូល​ពហុវចនៈ ហើយពហុវចនៈក៏រួមបញ្ចូលឯកវចនៈដែរ។ ការយោង​ទៅ​លើ​ស្ត្រី​ក៏​មាន​ន័យ​ថា​បុរស ហើយការយោងលើបុរសក៏មានន័យថាស្ត្រីផងដែរ។